»   هه‌واڵه‌کان
چیای ئەزمڕ و گۆیژە لە مەترسی ئاگركەوتنەوە دەپارێزرێت

بەر لە هاتنی وەرزی هاوین و گەرما لە سلێمانی لیژنەیەك بۆ پاراستنی چیایی ئەزمڕ و گۆیژە لە ئەگەری سوتان پێكدەهێندرێت و قائیمقامی سلێمانیش دەڵێت: بنكەیەكی پۆلیس لە چیای ئەزمڕ جێگیر دەكرێت و هەر كەسێك هۆكاربێت بۆ ئاگركەوتنەوە رووبەڕووی سزای توندی یاسایی دەكرێتەوە , 
ئەمڕۆ پێنج شەممە 9 ئایاری 2019, لە دیوانی قائیمقامیەتی سلێمانی بەئامادەبوونی "د.هەڤاڵ ئەبوبەكر پارێزگاری سلێمانی و ئاوات محەمەد قائیمقامی سلێمانی" و بەرپرسی فەرمانگە پەیەندیدارەكان كۆبوونەوەیەكی فراوان بەڕێوەچوو, دەربارەی گرتنەبەری رێوشوێنی پێویست بۆ پاراستنی داراستان و پوش و پاوانی "چیای ئەزمڕ و گۆیژە" لە ئەگەری ئاگركەوتنەوە و سوتان ,  
لە كۆبوونەوەكەدا بەرنامەیەكی تۆكمە دانرا بۆ پاراستنی"چیای ئەزمڕ و گۆیژە" لە مەترسی سوتان و هەموو فەرمانگە پەوەندیدارەكانیش  راسپێردران لەم رووەوە هەنگاوی پێویست بنێن , وەك ئامادەكاری پێشوەخت و بەر لە هاتنی وەرزی هاوین و گەرما بڕیاردرا لە نزیكترین كاتدا تیمەكان دەستبەكاردەبن و سەرەتاش "ئاگربڕ" بۆ "چیای ئەزمڕ و گۆیژە" دەكرێت , لە دوای كۆبوونەوەكەش هەڤاڵ ئەبوبەكر پارێزگاری سلێمانی و ئاوات محەمەد قائیمقامی سلێمانی لە كۆنگرەیەكی رۆژنامەوانیدا رایانگەیاند: بۆ كەمكردنەوەی ئەو مەترسیتانەی كە ساڵانە لەسەر چیای ئەزمڕ و گۆیژە دروست دەبێت تیمێكی پۆلیسی دارستان بە هەمیشەیی لەسەر چیایی ئەزمڕ و گۆیژە جێگیر دەكرێت كە ئەركیان پارێزگاری كردن دەبێت لە چیاكەو رێگری كردن لە مەترسی ئاگر كەوتنەوە , هەروەها تیمەكانی بەرگری شارستانی سلێمانیش لە حاڵەتی ئامادیی تەواودا دەبن بۆ پاراستنی چیاكە , ئەوەشخرایەڕوو لیژنەی فراگوزاری خێرا پێكهێنراوە كە نوێنەری هەموو فەرمانگە پەیوەندیدارەكان لە خۆدەگرێت و  رێوشوێنێكی پێویست دەگیرێتە بەر بۆ پاراستنی چیای ئەزمڕ و گۆیژەو هەركەسێك هۆكار بێت بۆ ئاگركەوتنەوە رووبەڕووی سزای توندی یاسایی دەكرێتەوە . 
هەوڵەكانی بەرپرسانی سلێمانی بۆ پاراستنی "چیای ئەزمڕ و گۆیژە" لە مەترسی سوتان و ئاگركەوتنەوە لە كاتێكدایە كە ئەمساڵ بەهۆی بارینی رێژەیەكی زۆری باران و زۆربونی پوش و پاوان ئەگەری زۆری ئاگركەوتەوە لە ئارادایە .

راگەیاندنی قائیمقامیەتی سلێمانی


530 جار خوێندراوه‌ته‌وه‌
09/05/2019
زیاتر
»
سلێمانی- بڕێكی زۆر دۆشاوی خراپبووی خورما له‌ناوده‌برێت...
»
جێگری سه‌رۆكی حكومه‌ت ده‌ستخۆشی له‌ لیژنه‌كانی قائیمقامیه‌تی سلێمانی ده‌كات...
»
لە سلێمانی زەرفی كاغەز شوێنی زەرفی نایلۆن دەگرێتەوە...
»
‎ئه‌م شوێنانه‌ داده‌خرێن...
»
لیژنەكان چوار هەزار سەردانیان كردووە و لەم مانگەدا زیاتری دەكەن...
»
له‌باره‌ی سه‌ردانی منداڵانه‌وه‌ هۆشداری ده‌درێته‌ كافێكان‌ ...
»
پیرۆزبایی قائیمقامی سلێمانی بۆ کرێکارانی کوردستان...
»
ماستفرۆشه‌كان: پابه‌ندین به‌ قه‌ده‌غه‌ی سه‌تڵی ره‌نگاوڕه‌نگه‌وه‌...
»
كار بۆ رێكخستنی نرخی هێلكه‌ و مریشك ده‌كرێت...
»
نرخی ئەمپێری مۆلیدە بۆ مانگی نیسان دیاریكرا...
Copyright ©2015. All rights reserved.