»   لیژنه‌کان - چالاکی
سلێمانی ... ده‌ست به‌سه‌ر بڕێكی زۆر ده‌رمانی جۆراوجۆردا ده‌گیرێت‌


لیژنه‌ هاوبه‌شه‌كانی قائیمقامیه‌تی سلێمانی ده‌ستی به‌سه‌ر بڕێكی زۆر ده‌رمانی جۆراوجۆردا گرتوه‌ و نوێنه‌ری ته‌ندروستی له‌ لیژنه‌كان ده‌ڵێت؛ زیانی زۆری به‌ ته‌ندروستی هاوڵاتیان گه‌یاندووه‌.


د. ژیار ره‌ئوف، نوێنه‌ری به‌ڕێوه‌به‌رایه‌تی ته‌ندروستی له‌ لیژنه‌ هاوبه‌شه‌كانی قائیمقامیه‌تی سلێمانی رایگه‌یاند؛ به‌مه‌به‌ستی كۆنترۆڵكردنی بازاڕی ده‌رمان و ده‌رهێنانی له‌ ده‌ست هه‌موو ئه‌وكه‌سانه‌ی كه‌ پسپۆڕی بواره‌كه‌ نین لیژنه‌ی هاوبه‌شی ته‌ندروستی پێكهێنراوه‌.


وتی؛ به‌هۆی هه‌بونی ده‌رمانێكی زۆری كوالێتی نزم كڕین و فرۆشتنی له‌لایه‌ن هه‌موو كه‌سێكه‌وه‌ به‌بێ رێنماییه‌ زانستی و یاسایی زیانی زۆری به‌ ته‌ندروستی هاوڵاتیان گه‌یاندووه‌.


وتیشی؛ لیژنه‌ی هاوبه‌شی ته‌ندروستی ده‌ستیان به‌سه‌ر بڕێكی زۆر ده‌رمانی جۆراوجۆردا گرتووه‌ كه‌ به‌شێكی ماوه‌به‌سه‌رچووه‌ و به‌شێكیشی ئه‌و ده‌رمانانه‌یه‌ كه‌ سه‌رچاوه‌كانیان‌ نادیارن و نازانرێت له‌چ وڵاتێك دروستكراوه‌ و به‌شێوه‌ی قاچاخ هاورده‌كراوه‌.


هه‌روه‌ها؛ له‌ ماوه‌ی (9) مانگی ده‌ست به‌كاربونی لیژنه‌كه‌ (722) سه‌ردانیان بۆ ده‌رمانخانه‌ و نۆرینگه‌ و هه‌موو ئه‌وشوێنانه‌ی هاوڵاتیانی تیا چاره‌سه‌ر ده‌كرێت، كردووه‌ كه‌ (258) پسوڵه‌ی سه‌رپێچی تۆماركرداوه‌ و (40) شوێن ئاگاداركراونه‌ته‌وه‌ كه‌ پابه‌ندی مه‌رج و ڕێنماییه‌كانی ته‌ندروستی و كاركردن بن به‌ڵام به‌هۆی دوباره‌ سه‌رپێچی كردنه‌وه‌ (35) شوێنیان داخراوه‌.


د. ژیار ره‌ئوف ئاماژه‌ی بۆئه‌وه‌كرد؛ به‌هۆی به‌رده‌وام بوون له‌سه‌ر پابه‌ندنه‌بوون و سه‌رپێچی، به‌شێك له‌ شوێنانه‌ی سه‌ردانیان كراوه‌ رێكاری یاساییان به‌رامبه‌ر گیراوه‌ته‌ به‌ر و روبه‌روی دادگا كراونه‌ته‌وه‌.


لیژنه‌ی هاوبه‌شی ته‌ندروستی یه‌كێكه‌ له‌ لیژنه‌ هاوبه‌شه‌كانی قائیمقامیه‌ت و له‌ مانگی (6ی 2018) به‌فه‌رمانی قائیمقامی سلێمانی دامه‌زراوه‌، رۆژانه‌ سه‌ردانی نۆرینگه‌ و ده‌رمانخانه‌ و هه‌موو ئه‌وشوێنانه ‌ده‌كات كه‌ هاوڵاتیان به‌مه‌به‌ستی وه‌رگرتنی چاره‌سه‌ر رووی تێده‌كه‌ن، له‌كاتی هه‌بونی سه‌رپێچی شوێنه‌كه‌ و خاوه‌نه‌كه‌ی روبه‌روی رێكاری یاسایی ده‌كاته‌وه‌.




س . ب
راگه‌یاندنی قائیمقامیه‌تی سلێمانی    ‌



796 جار خوێندراوه‌ته‌وه‌
07/04/2019
زیاتر
»
سلێمانی ... 48 تۆن كاڵاوشمەكی نه‌شیاو لەناوبراوه‌...
»
قائیمقامییەتی سلێمانی ئاماری كارى لیژنە هاوبەشەكان بڵاو دەكاتەوە...
»
كرمی شریتی له‌ شاری سلێمانی كۆنترۆڵ كراوه‌‌...
»
گۆشفرۆشی سه‌ر شه‌قامه‌كان رادەستی دادگا دەكرێن...
»
سلێمانی ... دایكان و باوكان له‌م جۆره‌ خواردنه‌ ئاگادار ده‌كرێنه‌وه‌...
»
سلێمانی .. دایكان و باوكان له‌م مه‌ترسیه‌ ئاگادار ده‌كرێنه‌وه‌...
»
سلێمانی ... بڕێكی زۆر هه‌نگوین له‌ناوده‌برێت...
»
بڕێكی زۆر په‌تاته‌ له‌ناوده‌برێت...
»
ده‌ست به‌سه‌ بڕێكی زۆر سۆده‌ی هه‌ویردا گیراوه‌...
»
لەكۆگایەكدا دەست بەسەر بڕێكی زۆر خواردندا گیرا...
زۆرترین بینراو
  • 24 کاتژمێر
  • هەفتە
  • مانگ
Copyright ©2015. All rights reserved.