»   هه‌واڵه‌کان
نرخی ئەمپێری مۆلیدەی ئەهلی دیاری كرا
نرخی هەر ئەمپێرێک کارەبای موەلیدەی ئەهلی بۆ مانگی رابردو دیاریکرا و نرخەکەی لەنێوان (8.250) بۆ (9.250) دیناردایە.

سیروان محەمەد، وتەبێژی بەڕێوەبەرایەتی گشتی كارەبای سلێمانی رایگەیاند؛ نرخی كاتژمێرێك ئەمپێری مۆلیدەی ئەهلی بە (39) دینار و (150) فلس بۆ مانگی ئازار دیاریكرا، و موەلیدەكانیش بەتێكڕایی لەنێوان (210) بۆ (240) كاتژمێر كاریان كردوە، بەوەش نرخی ئەمپێرێك لە نێوان (8.250) بۆ (9.250) هەزار دینار دەبێت و نرخەکە لە گەرەكێك بۆ گەرەكێكی دیکە جیاوازە.

سەبارەت بەبەرنامەی كاركردنی موەلیدەكان بۆ مانگی نیسان، وتەبێژی كارەبای سلێمانی رایگەیاند: بەرنامەی موەلیدە ئەهلییەكان رۆژانە لە سەعات (2:00)ی دوانیوەڕۆ بۆ (1:00)ی شەو، و بەیانیانیش سەعات (7:00) بۆ (8:30)ی بەیانی  دەبێت، هەركاتێك كارەبای نیشتیمانی نەبو لەو كاتانەدا موەلیدە ئەهلییەكان كارەبا بۆ هاوڵاتیان دابین دەكەن، بەڵام  رۆژانی هەینی بەیانیان كار ناكەن و لەبری ئەوە  پێشنیوەڕوان سەعات (11:30) كار بە موەلیدەكان دەكەن.

وتیشی: پێویستە دوای كوژانەوەی كارەبای نیشتمانی (10) خولەك زیاتر بەسەر دابینكردنی كارەبای مۆلیدە تێنەپەڕێت، بەپێچەوانەوە، سەرپێچیكار روبەڕوی یاسا دەكرێتەوە.

سەبارەت بە نرخی كارەبای یەكەكانی نیشتەجێبون و سیتییەكان، نرخی كیلۆواتێك بە (203.5) دینار دیاریكرا، بەڵام ئەگەر سیتییەكان وێستگەكانیان (11) كەیڤی بو ئەوا (پێنج) دینار و وێستگەكەی (33) كەیڤی بو (10) دیناری بۆ زیاد دەكرێت.




س . ب
راگەیاندنی قائیمقامیەتی سلێمانی


1283 جار خوێندراوه‌ته‌وه‌
01/04/2019
زیاتر
»
سلێمانی- پلانی لیژنەی فریاگوزاری خێرا سەركەوتوو بوو...
»
دەست بەسەر بڕێكی زۆر بۆیاخ و سلیكۆنی بەسەرچوو دەگیرێت...
»
دەست بەسەر بڕێك تایتی بەسەرچوو لە كارگەیەكی ئاودا دەگیرێت...
»
قائیمقامی سلێمانی : دەنگی گەلی كوردستان دەنگی زوڵاڵی شاخ و ئازادی شار بووە...
»
سلێمانی: بەووردی چاودێری دانانی سیستمی غازی شل دەكرێت...
»
مەراسیمە گەورەكەی نەورۆز لە مامەیارە دەبێت...
»
لە سلێمانی ئامادەكارییەكانی نەورۆز راگەیەندرا ...
»
سلێمانی .... ڕێگری لەبەرزبونەوەی نرخ دەکرێت....
»
رێگە نادرێت نرخ لە بازاڕدا بەرز ببێتەوە...
»
لە بارەی بەكارهێنانی سۆدە و خوێوە رێنمایی نوێ‌ دەردەكرێت...
Copyright ©2015. All rights reserved.