»   هه‌واڵه‌کان
نرخی ئەمپێری مۆلیدەی ئەهلی بۆ مانگی یەك دیاری كرا

ووتەبێژی بەرێوەبەرایەتی كارەبای سلێمانی ئاشكرای دەكات، نرخی هەر كاتژمێرێك ئەمپێری كارەبای مۆلیدەی ئەهلی لە مانگی كانونی دووەم (40.75) دینار دەبێت، هاوكات خشتەی پێدانی كارەبای مۆلیدە ئەهلییەكان لە سنوری پارێزگای سلێمانی بۆ مانگی شوبات دیاریكرا.


سیروان محەمەد، ووتەبێژی بەڕێوەبەرایەتی گشتی كارەبای سلێمانی رایگەیاند" نرخی كاتژمێرێك ئەمپێری مۆلیدەی ئەهلی بە 40.75 دینار بۆ مانگی یەك دیاریكرا، و موەلیدەكانیش بەتێكڕایی لەنێوان 240 بۆ 280  كاتژمێر كاریان كردووە، بەوەش نرخی ئەمپێرێك لە نێوان 10.000 بۆ 11.000 هەزار دینار دەبێت و نرخی ئەمپێڕێك لە گەرەكێك بۆ گەرەكێكی تر جیاواز دەبێت.


سەبارەت بەبەرنامەی كاركردنی موەلیدەكان بۆ مانگی یانزە، وتەبێژی بەڕێوەبەرایەتی گشتی كارەبای سلێمانی ووتی " بەرنامەی مۆلیدە ئەهلییەكان رۆژانە  لە كاتژمێر 2:00 ی پاشنیوەڕۆ بۆ 1:00 شەو، و بەیانیانیش كاتژمێر 7:00 _8:30 بەیانی  دەبێت، و هەركاتێك كارەبای نیشتیمانی نەبوو لەو كاتانەدا مۆلیدە ئەهلییەكان كارەبا بۆ هاوڵاتیان دابین دەكەن، ، بەڵام  رۆژانی هەینی بەیانیان كار ناكەن و لەبری ئەوە  پێش نیوەروان كاتژمێر 11:30 كار بە مۆلیدەكان دەكەن.


ووتیشی: لە كۆبونەوەكەدا، ئەو خاڵە دووپات كرایەوە كە پێویستە پاش كوژانەوەی كارەبای نیشتمانی 10 خولەك زیاتر بەسەر دابینكردنی كارەبای مۆلیدە تێنەپەرێت ، بەپێچەوانەوە، سەرپێچیكار رووبەرووی یاسا دەكرێتەوە.

سەبارەت بە نرخی كارەبای یەكەكانی نیشتەجێبوون و سیتیەكان نرخی كیلۆواتێك بە (214) دینار دیاریكرا، بەڵام ئەگەر سیتیەكان وێستگەكانیان 11 كەیڤی بوو ئەوا 5 دینار و وێستگەكەی 33 كەیڤی بوو 10 دیناری بۆ زیاد دەكرێت.


س . ب
راگەیاندنی قائیمقامیەتی سلێمانی

2115 جار خوێندراوه‌ته‌وه‌
31/01/2019
زیاتر
»
لە سلێمانی بازاڕ بۆ بەرهەمی ناوخۆی مریشك دەدۆزرێتەوە...
»
کارگەیەکی شیرینی دادەخرێت....
»
سلێمانی ... بەرهەمی سەوزە و میوەی ناوخۆ زیاد دەكرێت...
»
هاوردەكردنی مریشك بۆ سلێمانی قەدەغە دەكرێت...
»
ئاراستەی رۆیشتنی ئۆتۆمبێل لە شەقامە سەرەكییەكانی سلێمانی دەگۆڕدرێت...
»
قائیمقامی سلێمانی كێشه‌كانی عه‌لوه‌‌ چاره‌سه‌رده‌كات...
»
تیمەکان سەرقاڵی پاککردنەوەی رێگاکانن...
»
قایمقامی سلێمانی داواكاریه‌ك ئاڕاسته‌ی هاوڵاتیان ده‌كات...
»
قائیمقامی سلێمانی... لیژنەی هاوبەشی تەندروستی كاراتر دەكات...
»
سلێمانی ... كارگه‌یه‌كی شیرینی داخرا...
Copyright ©2015. All rights reserved.