»   هه‌واڵه‌کان
سلێمانی، پێویستی به‌ مریشكی هاورده‌كراو نه‌ما‌
به‌هۆی زیادبونی پرۆژه‌ په‌له‌وه‌رییه‌كان و پڕكردنه‌وه‌ی بازاڕ به‌به‌رهه‌می ناوخۆ، سلێمانی پێشنیاری دانانی باج له‌سه‌ر گۆشتی مریشكی هاورده‌كراو بۆ وه‌زاره‌تی دارایی ده‌كات و جێگری به‌ڕێوه‌به‌ری كشتوكاڵ ده‌ڵێت " بڕیاردراوه‌ رێگری له‌ هاورده‌كردنی مریشك له‌ پارێزگاكانی تری عێراق‌ بۆ سلێمانی بكرێت "
ئاوات محەمەد، قائیمقامی قه‌زای مه‌ڵبه‌ندی سلێمانی، له‌دیوانی قائیمقامیه‌ت لەگەڵ لیژنەی دیاری كردنی بەروبومی ئاژەڵی و پەلەوەری پارێزگای سلێمانیدا كۆبوویەوە، پاش هەڵسەنگاندن بۆ ئاستی بەرهەمهێنانی بەروبومی ناوخۆیی، بڕیاردرا پێداچونەوە بەبڕی ئەو بەروبوم و پێداویستیانەدا بكرێت كە هاوردەی پارێزگای سلێمانی دەكرێت.
 پاش كۆبونه‌وه‌كه‌ رزگار حمد ‌خدر، جێگری بەڕێوەبەری بەڕێوەبەرایەتی كشتوكاڵی سلێمانی رایگه‌یاند؛  له‌م وه‌رزه‌دا و به‌هۆی زیادبونی پرۆژه‌ی په‌له‌وه‌رییه‌كان به‌شێوه‌یه‌كی ئاسۆیی، به‌رهه‌می پرۆژه‌كان له‌توانایدا هه‌یه‌ پێداویستی بازاره‌كانی ناوخۆ پڕ بكاته‌وه‌، بۆیه‌ لیژنه‌ی دیاری كردنی بەروبومی ئاژەڵی و پەلەوەری پارێزگای سلێمانی، له‌ڕێی پارێزگاری سلێمانییه‌وه‌ داوا له‌ وه‌زاره‌تی كشتوكاڵ و دارایی ده‌كات باج له‌سه‌ر گۆشتی مریشكی هاورده‌كراو دابنرێت.
وتی؛ بۆساخكردنه‌وه‌ی به‌رهه‌می پرۆژه‌ په‌له‌وه‌رییه‌كانی سلێمانی، له‌داهاتویه‌كی نزیكدا پێویستمان به‌ دۆزینه‌وه‌ی بازاڕی نوێیه‌ له‌ ده‌ره‌وه‌ی هه‌رێم، بۆیه‌ داوای دانانی پرۆژه‌یه‌كمان كردووه‌ بۆ دۆزینه‌وه‌ی بازار و به‌ سیسته‌م كردنی هه‌ریه‌ك له‌ سه‌ربڕین و عه‌مباركردن و فرۆشتنی به‌رهه‌مه‌كان خۆی ده‌بینێته‌وه، كردوه‌.
وتیشی؛ له‌ پێناو دابینكردنی گۆشتێكی ته‌ندروست بۆ هاوڵاتیان لیژنه‌كه‌ بڕیاری داوه‌ هاورده‌كردنی مریشك له‌ پارێزگاكانی تری عێراقه‌وه‌ بۆ شاری سلێمانی‌ به‌بێ پشتگیری به‌ڕێوه‌به‌رایه‌تی ڤێرتێنه‌ری و پاش تێپه‌ڕبونی گۆشته‌كه‌ به‌ سیسته‌می پشكنینی ته‌ندروستی رێگه‌ به‌هاورده‌كردنی ده‌درێت به‌پێچه‌وانه‌وه‌ له‌لایه‌ن ئاسایشی ئابورییه‌وه له‌بازگه‌كان‌ ده‌ستی به‌سه‌ردا ده‌گیرێت.
رزگار حمد ‌خدر، ئاماژه‌ی بۆ ئه‌وه‌كرد؛ بۆ خزمه‌تكردنی به‌ جوتیاران و دورخستنه‌وه‌ی نه‌خۆشی و مه‌ترسی له‌سه‌ر كێڵگه‌ و به‌رهه‌مه‌كانیان، داوا له‌ پاسه‌وانی سنور كراوه‌ كه‌ رێگری بكه‌ن له‌ هاورده‌كردنی جوجكه‌ به‌ شێوه‌ی قاچاخ، هه‌روه‌ها سزادانی ئه‌و كێڵگانه‌ی به‌سه‌رپێچی دروستكراون.


س . ب
راگه‌یاندنی قائیمقامیه‌تی سلێمانی

595 جار خوێندراوه‌ته‌وه‌
27/12/2018
زیاتر
»
سلێمانی ... خوارده‌مه‌نیه‌ ده‌ستگێڕه‌كان كام گۆشته‌‌ به‌هاوڵاتیان ده‌ده‌ن...
»
سلێمانی لەرووی ئارامی و ژێرخانی ئاوەڕۆ بێ گرفتە ...
»
سلێمانی- دەست بەسەر بڕێك نەستەلەی ماوەبەسەرچووی توركیدا گیرا...
»
سلێمانی ... ســـێ هـــۆڵ دادەخــرێــت...
»
مەرجەكانی سەلامەتی لەنێو بازاڕی سلێمانی جێبەجێ دەكرێت...
»
سلێمانی- لیژنه‌یه‌ك بۆ پاراستنی سه‌لامه‌تی كرێكار دروست ده‌كرێت...
»
نرخی ئەمپێری مۆلیدەی ئەهلی بۆ مانگی تشرینی دووەم دیاری كرا...
»
وێنە؛ یادی یۆبیلی زێڕینی زانکۆی سلێمانی بەڕێوەدەچێت...
»
سلێمانی- سنایپه‌ر گه‌یم سه‌نته‌ر داخرا...
»
بۆ رێگری لەكارەساتی سروشتی حكومەتی عێراق هاوكاری پارێزگاكانی هەرێم دەكات...
Copyright ©2015. All rights reserved.