»   کۆبونه‌وه‌کان
سلێمانی.. كار بۆ بنەبڕكردنی دیاردەی سواڵكردن و ئیشپێكردنی منداڵان دەكرێت..

 رێگری لە كاركردنی ئاوەرەكان و بازرگانیكردن بە منداڵانەوە دەكرێت،  و قائییمقامی سلێمانیش كاری جدی لەو پێناوەدا دەكات.

ئەمرۆ 3 شەممە 7/8  ئاوات محەمەد قائیمقامی سلێمانی لە دیوانی قائیمقامییەت لەگەڵ نوێنەرانی دام و دەزگاو لایەنە پەیوەنیدارەكان و رێكخراوە ناحكومییەكان كۆبوویەوە بۆ دانانی بەرنامەیەكی تۆكمە و گونجاو،  كە رێگری بكات لە كاركردنی ئەو ئاوارانەی لە ئێستادا لە كەمپەكاندا جێگیركراون و بۆكاركردن روو لە شاری سلێمانی دەكەن،  و بەشێكیشیان بازرگانی بە مندالەكانیانەوە دەكەن.

لە لایەن بەشداربووانەوە  بە چری گفتوگۆكرا لە بارەی دانانی  ئەو میكانیزم و رێوشوێنە ئەمنی و مرۆییانەی كە پێویستە دام و دەزگا حكومی و رێكخراوە ناحكومییەكان پێكەوە بیگرنە بەر، تاوەكو  رێگری لە زیادبوونی ئەو دیاردە ناشارستانییە بكرێت و  مافەكانی پەنابەرانیش تێدا رەچاوبكرێت.

 لە كۆبوونەوەكەدا قائیمقامی سلێمانی ئاماژەی بەوەكرد لە بەردەم كێشەیەكداین كە بێزاری هاوڵاتیانی شاری سلێمانی لێكەوتۆتەوە، ئەو كێشەیەش پەیوەندیدارە بە هەموو لایەكمانەوە و ئەركی هەموومانە پێكەوە وەكو یەك تیم كار بكەین بۆ چارەسەركردنی و بنەبركردنی دیاردەی سواڵكردن بە منداڵ و ئیشپێكردنیان، وتیشی هەموو هەوڵێكی جدی لەو بارەیەوە ئەدەم.

لە كۆتایدا بڕیاردرا ئیدارەی كەمپەكان  و بازگەكان توندو تۆڵبكرێت  تاوەكو رێگری لە هاتنە دەرەوەی ئاوەرەكان بكرێت لە سنوری ئەو شوێنانەی تێیدا نیشتە جێ كراون ، پۆلیسی نەوجەوان و بەیوەبەرایەتی منداڵپارێزیش  بە هەماهەنگی كاربكەن  بۆ كۆكردنەوەی داتاو زانیاری لەسەر ئەوخێزانانەی لە كەمپەكاندا نیشتەجێن و سواڵ یاخود كار و  بازرگانی  بە منداڵەكانیانەوە دەكەن، هەروەها لە رێگەی رێكخراوە ناحكومییەكانیشەوە خێزانەكانی  نیشتەجێی كەمپەكان هۆشیاربكربێنەوە, تاوەكو بەهەموو شێوەیەك رێگری بكرێت لەو دیاردە ناشارستانییەی  كە لە رووی لە شاری سلێمانی و دەورووبەری كردووە.


جوان عبداللطیف
راگەیاندنی قائیمقامیەتی سلێمانی



836 جار خوێندراوه‌ته‌وه‌
07/08/2018
زیاتر
»
بڕی هاوردەكردنی بەربوومی پەلەوەری و ئاژەڵی بۆ پارێزگای سلێمانی دیاریكرا.....
»
سلێمانی.. كار بۆ بنەبڕكردنی دیاردەی سواڵكردن دەكرێت.....
»
رێكخراوی فورات سەردانی قائیمقامییەت دەكەن.. ...
»
بڕی هاوردەكردنی گۆشت و ماسی و بەرهەمە پەلەوەرییەكان بۆ مانگی ئایار دیاریكرا.....
»
لە سلێمانی پڕۆژەیەك بۆ پاراستنی و سەوزكردنی چیای گۆیژە راگەیەندرا...
»
چیای گۆیژە دەپارێزرێت...
»
سلێمانی: هیچ حاڵەتێكی نەخۆشی كۆلێرا تومار نەكراوە...
»
خشتەی کارکردنی مۆلیدە بۆ مانکی ئایار دیاریدەکرێت...
»
کار بۆ بنەبرکردنی دیاردەی سواڵکردن دەکرێت...
»
قائیمقامی سلێمانی: بەبێ جیاوازی مامەڵەيان لەگەڵ دا دەکرێت.. ...
Copyright ©2015. All rights reserved.