»   بانگه‌واز
ئاگادارییەك لە قائیمقامییەتی سلێمانییەوە..

لیژنە هاوبەشەكانی قائیمقامییەتی سلێمانی هۆشیاری دەداتە هاوڵاتیان كە رێگری لە منداڵەكانیان بكەن لە كرینی هەر جۆرە نوقڵێك یاخود شیرینییه‌ك كە لە شێوەی جگەرەدا دروستكراوە و لە بازار و ماركێتەكانتدا دەفرۆشرێت.

لەو بارەیەوە گۆران قادر سەرۆكی لیژنە هاوبەشەكانی قائیمقامییەتی سلێمانی رایگەیاند: ئاگاداری سەرجەم دوكاندار و ماركێت و فرۆشگاكانی سنوری شاری سلێمانی دەكەینەوە كە پابەندی مەرج و رێنماییەكان بن و فرۆشتنی ئەو نوقڵ و شیرینیانەی كە لە شێوەی جگەرە دروست كراوە قەدەغەیە و لە ئێستادا له‌بەشێكی ماركێت و دووكانەكانی شاری سلێمانیدا بوونی هەیە و بە منداڵان دەفرۆشرێت, راشی دەگەیەنێت لیژنەكانیان بەردەوام چاودیری ماركیت و بازار و شوێنە گشتییەكان دەكەن و هەر كەسێك لەو جۆرە نوقڵە بفرۆشێت رووبەرووی سزای یاسایی دەبێتەوە.  

بە پێی رێنمایییەكان فرۆشتنی هەموو جۆرە خواردەمەنییەك كە لەسەر شێوەی جگەرە دروستكراوە رێگە پێنەدراوە لەبەر ئەوەی كاریگەری له‌سه‌ر خراپبوونی خووی منداڵان ده‌بێت.

جوان عبداالطيف
راگەیاندنی قائیمقامیەتی سلێمانی 

1430 جار خوێندراوه‌ته‌وه‌
15/02/2018
زیاتر
1
Copyright ©2015. All rights reserved.