سلێمانی ... گۆشتفرۆشی پێنجوێن داخرا به‌هۆی فرۆشتنی  گۆشتی بێمۆرو ته‌زویركردنی مۆری كوشتارگه‌ لیژنه‌ هاوبه‌شه‌كانی قائیمقامیه‌تی سلێمانی دوكانی گۆشتفرۆشی پێنجوێن داده‌خات و سه‌رۆكی لیژنه‌كه‌ ده‌ڵێت؛ خاوه‌نه‌كه‌ی روبه‌روی رێكاری یاسایی ده‌كرێته‌وه‌‌. مۆفه‌ق زاهیر سه‌رۆكی لیژنه‌ی په‌له‌وه‌ری سه‌ربه‌‌لیژنه‌ هاوبه‌شه‌كانی قائیمقامیه‌تی سلێمانی رایگه‌یاند:  فرۆشتنی گۆشتی بێمۆرو مۆركردنی به‌شێوه‌ی نایاسای به‌هیچ شێوه‌یه‌ك ڕێگه‌ پێدراونییه‌ وخاوه‌نه‌كه‌ی ڕوبه‌ڕوی ڕێكاری یاسایی ده‌بێته‌وه‌ بۆیه‌ له‌لایه‌ن ‌لیژنه‌ هاوبه‌شه‌كانه‌وه‌ دوكانی گۆشتفرۆشی پێنجوێن له‌داره‌سوتاوه‌كه‌  داده‌خرێت. وتیشی: ته‌زویركردنی مۆری كوشتارگه‌ كارێكی نایاساییه‌و هه‌موو ئه‌و گۆشته‌ی پێی مۆركراوه‌ ده‌ستی به‌سه‌ردا گیراوه‌و ڕه‌وانه‌ی به‌ڕێوه‌به‌رایه‌تی ڤێرتێرنه‌ری سلێمانی كراوه‌ بۆ له‌ناوبردنی. به‌بڕیاری قائیمقامی سلێمانی دوكانی گۆشتفرۆشی پێنجوێن داده‌خرێت و خاوه‌نه‌كه‌شی روبه‌روی رێكاری یاسایی ده‌كرێته‌وه‌. ‌ رزگار قه‌سیم راگه‌یاندنی قائیمقامیه‌تی سلێمانی 1938 جار خوێندراوه‌ته‌وه‌ 17/11/2019