»   لیژنه‌کان - چالاکی
سلێمانی ... بڕێكی زۆر برنج له‌ناوده‌برێت

به‌هۆی به‌سه‌رچوونی ماوه‌كه‌ی و خراپ عه‌مباركردنیه‌وه‌، لیژنه‌ هاوبه‌شه‌كانی قائیمقامیه‌تی سلێمانی بڕێكی زۆر برنج له‌ناوده‌به‌ن و پسپۆڕێكی خۆراكیش هاوڵاتیان له‌ برنجی خراپبوو ئاگادارده‌كاته‌وه‌‌.


له‌ئه‌نجامی سه‌ردانی لیژنه‌‌هاوبه‌شه‌كانی قائیمقامیه‌تی سلێمانی بۆ دوكان و بازاڕ و شوێنه‌گشتیه‌كان و پشكنینی ئه‌وكاڵاوشمه‌كانه‌ی له‌لایه‌ن بازرگان و دوكانداره‌كانه‌وه‌ به‌هاوڵاتیان ده‌فرۆشرێت، ده‌ركه‌وتووه‌ بڕێك برنج به‌هۆی خراپ عه‌مباركردنیه‌وه‌ ئه‌سپێی هه‌ڵهێناوه‌ و به‌شێكی تریان به‌هۆی به‌سه‌رچوونی ماوه‌كه‌یانه‌وه‌ له‌ چه‌ند ماركێت و دوكانێك ده‌ستیان به‌سه‌ردا گیراوه.


بڕی برنجه‌ ده‌ستبه‌سه‌ردا گیراوه‌كان له‌ (750) كیلۆگرام زیاتره‌ و له‌ جۆره‌كانی (السلطان، مه‌رجان، دۆلفین، فاخر و تایله‌ند)‌یه‌، به‌فه‌رمانی قائیمقامی سلێمانی و له‌لایه‌ن لیژنه‌ی له‌ناوبردنه‌وه‌ له‌ناوچه‌ی ده‌ره‌وه‌ی نیشته‌جێبوونی هاوڵاتیان له‌ناوده‌برێت و خاوه‌نه‌كانیشیان روبه‌روی رێكاری یاسایی ده‌كرێنه‌وه‌.


ده‌رباره‌ی ئه‌و خۆراكه‌ماددانه‌ی كه‌ خراپ ده‌بن یاخود ماوه‌كه‌ی به‌سه‌رده‌چێت له‌شكر حه‌مید، پسپۆڕی بواری‌ زانستی خۆراك وتی؛ ئه‌و خۆراكانه‌ی به‌هۆی‌ خراپ عه‌مباركردن و به‌رزی پله‌ی گه‌رمی شوێنه‌كه‌وه‌ خراپ ده‌بن به‌ها خۆراكیه‌كه‌یان له‌ده‌ست ده‌ده‌ن وشیاوی خواردن نامێنن و پێویسته‌ له‌ناو ببرێن.


وتیشی؛ به‌رز بونه‌وه‌ی پله‌ی گه‌رمی له‌كۆگاكانی عه‌مباركردن یه‌كێكه‌ له‌ هۆكاره‌ سه‌ره‌كیه‌كان بۆ خراپبوونی خوارده‌مه‌نیه‌كان پێش ئه‌وه‌ی ئه‌وماوه‌ی كه‌بۆی دیاریكراوه‌‌ به‌سه‌ر بچێت، له‌خوارده‌مه‌نیه‌ وشكه‌كاندا ده‌بێته‌ هۆی دروستبوونی مێروو كه‌ زیان به‌ته‌ندروستی ئه‌و كه‌سه‌ ده‌گه‌یه‌نێت ئه‌وجۆره‌ خوارده‌مه‌نیه‌ خراپبووه‌‌ ده‌خوات.


داوا له‌ هاوڵاتیان ده‌كات له‌كاتی كڕین و بازاڕكردندا به‌وریاییه‌كی زیاتره‌وه‌‌ ئاگاداری ئه‌و خۆراكانه‌بن ده‌یخۆن، دڵنیابنه‌وه‌ له‌به‌رواری دروستكردن وبه‌سه‌رچوونی‌ هه‌روه‌ها به‌هۆی به‌رزی پله‌ی گه‌رما له‌‌ كۆگاكان خۆراكه‌وشكه‌كان مێروو تێی نه‌داون پاشان‌ بیكڕن و به‌كاریبێنن.‌



س . ب
راگه‌یاندنی قائیمقامیه‌تی سلێمانی 

1574 جار خوێندراوه‌ته‌وه‌
15/09/2019
زیاتر
»
خانمان، ئاگاداری به‌كارهێنانی ئه‌م ماكیاژه‌ بن...
»
قاعیده‌ی ئه‌م نێرگه‌لانه‌‌ له‌ناوده‌برێن...
»
سلێمانی ... بڕێك برنج له‌ناوده‌برێت...
»
قائیمقامیەتی سلێمانی بووە یەكەم فەرمانگە پاشماوەكانی خۆڵ و خاشاك لەیەك جیادەكاتەوە...
»
لیژنه‌هاوبه‌شه‌كان؛ دایكان و باوكان له‌م جۆره‌ شه‌ربه‌ته‌ ئاگادار ده‌كاته‌وه‌...
»
لیژنه‌ هاوبه‌شه‌كان؛ دایكان و باوكان به‌وریاییه‌كی زیاتره‌وه‌ ئاگاداری منداڵه‌كانتان بن...
»
سلێمانی ... بڕێك بیبه‌ر و خه‌یار شۆر له‌ناوده‌برێت...
»
لیژنه‌كان؛ چاوێكی كراوه‌ ده‌بن بۆ پاراستنی ته‌ندروستی هاوڵاتیان...
»
سلێمانی: گواستنەوەی ئاو لەبەر تیشكی خۆر دەستی بەسەردا دەگیرێت...
»
لەمانگی تەموزدا لیژنەهاوبەشەكان 16 شوێنیان رووبەڕووی دادگا كردووەتەوە...
زۆرترین بینراو
Copyright ©2015. All rights reserved.